|
|
Grupo de Traballo Galego de Londres
|
|
|
A nosa historia
|
Reanudamos aquí as reflexións e as tarefas do Grupo de Traballo Galego de
Londres, que comezaron en 1970. A nosa historia pódese ver pulsando no
correspondente botón á marxe destas liñas Mudaron as circunstancias políticas e
sociais de Galicia desde a época das nosas anteriores publicacións, pero
coidamos que pode ser aínda convinte, a até necesario, dar a coñecer as
reflexións do Grupo. Seguimos sendo un conxunto de persoas con
orientacións diferentes en moitos aspectos, mas crentes todos na
singularidade de Galicia e na necesidade de procurar o millor entendimento
da sua realidade esencial, condición que xulgamos necesaria para o seu
adianto material e moral. A independencia a respeito de todos os grupos políticos segue sendo tan certa como sempre. Non somos apolíticos nen descremos na importancia da política. Todo o contrario. Mas pensamos que é importante que exista este tipo de reflexión independente e que se espallen os seus resultados, esperando incluso que contribuan á formulación de políticas por quen diso se ocupa, ou, en todo caso, a acordar inquedanzas e ideas, conformes ou disconformes, sobre os temas que suscitamos. Londres, febreiro de 2004
|
|
