Manipulación das emocións

Chama a atención que teña sido un catastrófico atentado o que fixo virar de sentido o pronóstico eleitoral do pasado marzo. Se o eleitorado quería desfacerse dun governo que entrara na guerra contra a vontade do povo, no debía ter sido necesario ese sanguento aviso. O fácil que é manipular as emocións vese na facilidade con que os mesmos terribeis feitos terían ido a apoiar a ese governo se o terrorista fose interno.

Outra catástrofe, a do Prestige, non encontrou reflexo nun maior voto nacionalista. Pódese ter perdido a ocasión de non deixarse levar polo victimismo e propor alternativas para resolver un problema de solución tan dificil como é o desas catástrofes nas que xogan tantos factores e intereses nacionais e internacionais. E un deses factores, non nos enganemos, e que ninguen parece pronto a pagar mais pola gasolina e andar menos en automóvil.

Como queira que sex, Dun xeito ou doutro, pesan mais do que debían as vagas emocionais, que son sempre transitorias e pouco fiabeis, en perxuicio da analise constructiva.

Voltar a Textos Varios